মুখ্য পৃষ্ঠা
06/04/2515:10
"তেওঁলোক সুখী আছিল"
দৰিদ্ৰতাই শুকান হাঁড় চোবাই যদিও
তেওঁলোক সুখী আছিল |
দেহৰ ক'লা ছালত আঁকি লোৱা নাছিল
দুখৰ শ্ৰুতলিপি |
চুলিবোৰত লগা নাছিল সুগন্ধি তেল
তথাপি চুলিৰ আগত এন্ধাৰ হৈছিল |
সুখী আছিল আইতাৰ হাঁচটি ,
জুহালত ককাদেউতাৰ সাতামপুৰুষীয়া
ঘটি-লোটা ইত্যাদি ইত্যাদি |
বগা দাঁতত পোহৰৰ প্ৰলেপ সানি
আমি বোৰ সুখীনে আজি ?
পিতাইৰ লাখুটি ভৰত পৃথিৱীয়ে নাকান্দে ,
হয়তো আকাশেও জানে
তেওঁ লোক দৰিদ্ৰ যদিও সুখী |
অসুখীয়া শিল্প বোৰ কঢ়িয়াই
কোনো মৌদামত কবৰ হ'ল সুখ |
লিল্পবোৰ মৰা নাছিল ,
সূৰ্য্যমুখীৰ পোহৰত জিলিকি আছিল প্ৰাচীন দেৱাল |
দুখৰ গহ্বৰত জাঁহ গ'ল আদিম মানৱ
পুৰনি সংস্কৃতি কিম্বা বুৰঞ্জী
তেওঁলোক সুখী আছিল
সুখেৰে আজি নাই মাথো
তেওঁলোকৰ সমাধি ।
• ৰাজু কলিতা
05/02/15
